9 мамыр - Ұлы Жеңіс күні!

       Валерий Чкалов атындағы орта мектебінде Қазақстан РеспубликасыныңОтан қорғаушылар күні және ҰОС Жеңіс күнінің 73 жылдығына өткізілген Жас жеткіншектерді патриоттық сезімге, өз Отанын сүюге, құрметтеуге тәрбиелеу мақсатында іс - шара өткізілді.Мерекелік іс-шараға ҰОС ардагерлеріне теңестірілгендер, тыл еңбеккерлері, еңбек ардагерлері, ауған соғысы ардагерлері мен ауылдық ақсақалдар кеңесі қатысты. Ашылуында Қазақстан Республикасының әнұраны орындалып, Полатқосшы ауылдық округі әкімі Е. Данаев, Валерий Чкалов атындағы орта мектептің директоры, аудандық мәслихатдепутаты Н. Ерғазиева, ҚР ІІМ-нің еңбек сіңірген қызметкері, запастағы полиция подполковнигі С. Тажиев, Жамбыл ауданыныңқұрметті азаматы Х. Биболов, Жамбыл ауданының құрметті азаматы, ауылдық ақсақалдар кеңесінің төрағасы А. Маюфи жиналғандарға алғыс білдіріп, құттықтау сөздерін арнады және ҰОС ардагерлеріне теңестірілгендер М. Қадыров пен Е. Данаев, еңбек ардагері В. Иванова, ауған соғысының ардагерлері С. Усенов пен И. Тастанов осы мамыражай бейбіт күндеріміздің оңайлықпен келмегенін, жастардың адал, Отан сүйгіш патриот болуы керектігі жайында өсиет сөздерін айтып, батасын берді. Мектеп директоры Н. Ерғазиева өз сөзінде, мектеп оқушылары арасында еліміздің болашақ, нағыз патриоттарының тәрбиеленіп жатқандығын, Қазақстандық – жас патриоттар Академиясының мүшелері 11 сынып оқушысы Али-Акбар Аббасов пен 9 сынып оқушысыМаметовИса нағыз жас патриоттар екендігін айтты.

       Валерий Чкалов атындағы орта мектептің оқушылары жиналғандарға өздерінің театрланған көріністерін көрсетіп, жоғарғы сынып оқушылары сап түзеп жүріп өтті, әртүрлі әскери әндер орындады.

Жиын соңында ардагерлер ҰОС ардагерлеріне арналған ескерткіш алдына гүл шоқтарын қойды. Мектеп оқушыларымен бірге естелік суретке түсті.