"Берекелі, мерекелі алтын күз" мерекесі

 

 

2018-2019 оқу жылының қазан айының 26-сы күні Валерий Чкаловатындағы орта мектебінде «Алтын күз» мерекесі өте жоғары деңгейде өткізілді. Іс-шара барысында алтын күз мерекесінің жоспары бойынша оқушылардың дайындығы өте жоғары болды. Мектебімізде өткізілген «Алтын күз» мерекесінің мақсаты ұйымшылдықпен қатыса отырып, күз - байлық, күз - береке, күз - молшылық, күз - шаттық, күз - қуаныш екенін оқушы санасына жеткізу, өздеріне ерік бере отырып, ауызбіршілікке, ынтымақтастыққа баулу болды. 
Бұл мереке мектеп өміріндегі дәстүрлі мерекелердің бірі. Күзде жеміс жидектер пісіп, алтын астық қамбаға құйылатын, төлдер өсіп санаққа қосылатын кезең. Күз – береке, сән – салтанат мереке айы, жиын – терім аяқталған кезде еңбекшілер «Сабан тойын» өткізсе, мектепте «Алтын күз» мерекесі тойланатыны сөзсіз. «Алтын күз» мерекесі жарыс түрінде өткізілді. Бұл сайыста әр сыныптың өз алдына қойған мақсаттары мен міндеттері атқарылды. Мерекеде әр сынып өзінің ерекшеліктерін көрсете білді.
Аталмыш іс-шарада әділқазылар мүшелері жеңіске лайық 3 команданы анықтап, жүлделі орындармен марапаттады . 
І орынды – 7 «Ә» сыныбы, ІІ орынды – 8 «А» сыныбы және ІІІ орынды – 7 «Б» сыныбының оқушылары қанжығасына байлады. 
Келесі сыныптар номинация бойынша мақтау қағаздарымен марапатталды:
 «Ең керемет флешмоб» биімен – 8 «Г»сыныбы;
 «Ең керемет қабырға газеті» - 7 «А» сыныбы;
 «Ең керемет күздік букет» - 7 «Б» сыныбы;
 «Ең керемет сән үлгісі» - 7 «Г» сыныбы марапатталды.
Кеш соңында атсалысқан оқушылар мен сынып жеткшілеріне алғыс айтылды.